روايه كامله بقلم ميرو محمد
واضح انك بتعملي مجهود حتي جسمك ضعيف .
دكتور انت حضرتك بتكلم بجد انا لحد دلوقت مش مصدقه
اني حامل انا حامل دلوقتي بعد ٢٠ سنه
_اه حامل والله بس محتاجه مثبتات وراحه
قعدت اعيط واشكر ربنا لكن سلفتي حاستها زعلانه معرفش ليه زي متكون بتقول لنفسها ياريتني مخدتها معايا
طلعت من عند الدكتور وكلمت حسام وانا بعيط وقولتلو تعالالي دلوقتي حالا عند الدكتور
اول موصل اترميت في حضنه وقعدت اعيط عياط هستيري في الشارع وقولو انا حامل ياحسام ربنا مبيخيلش ظن حد فيه ابدا حامل بعد ٢٠ سنه
_لا اله الا الله انتي بتكلمي بجد انا هبقا اب انا
الحمد لله يارب احمدك واشكرك يارب ..
_بس الدكتور قالها ان حاملها ضعيف جدا ولازم ترتاح
_الف مبروك يابسنت وشك حلو علينا اهوه
روحنا البيت وكل ال في البيت مكنوش مصدقين
وفرحتهم ان كوثر حامل غلبت علي فرحتهم بي ان بسنت حامل في توأم
وكان باين في عيون بسنت الغيره والغيظ
كنا قاعدين كلنا مع بعض نتعشى فقولت لحماتي
_معلش بقا ياماما الدكتور قالي ان حملي ضعيف اوي وعاوزني ارتاح انا هروح لماما تخدمني مش عاوزا اتقل عليكم هنا ..
وبعدين لو تعبت انا سلفتك موجوده
_سلفتها مين انا حامل في اتنين ياعني مستحيل اعنل حاجه وبعدين انا ليسه عروسه جديده
يعني مش هروح اقعد عند ماما عشان ميصحش اسيب بيتي
في اول الجواز كده وانا ليسه مجوزه من شهر
يعني ايه يابسنت انتي عاوزا الست الكبيره هي التخدمك ولا انا ال الدكتور قالي ان حملك ضعيف قدامك خلي حد من اهلك يجي يقعد معاكي يخدمك او خلي جوزك يجبلك شغاله انا عن نفسي هاروح عند ماما اقعد معاها
_حاضر ياماما الي تشوفيه
تاني يوم اتفقو مع واحده تيجي وتقيم معانا وتعمل الاكل وتنضف ال ٣ شقق عشان نرتاح
كنت بتابع كل اسبوعين والدكتور بيطمني
وبسنت كانت بتيجي معايا وتابع هي كمان وفي كل مره تساله عن نوع الجنين عندي وعندها وھتموت وتعرف وانا مكنتش حاطه في دماغي اي حاجه كل اليجبو ربنا كويس
واحنا خارجين لقيت بسنت بتقولي
_انا كده كده واثقه اني هجيب ولد وبنت او ولدين انا حامل في توأم
يابسنت ربنا يديكي ال بتتمنيه انا بس عاوزا اجيب طفل سليم معافي سواء ولد او بنت
_انتي دا انتي تلاقيكي ھتموتي وتجيبي الولد عشان تكوشي علي كله .
عدت الايام وميعاد الدكتور جيه ورايحين متشوقين نعرف هنجيب ايه قعدت بسنت اول واحده والدكتور كشف وقالها
_انتي حامل في .....
لو لقيت تفاعل حلو هنزل واحد تاني انهاردهالجزء_الخامس تسلمولي علي التفاعل
الدكتور انا شايف بنت اهي مشاء الله
لقيت بسنت وشها اتقلب وبتقول لدكتور يعني مفيش ولد ولا ايه
_استني بس احنا لسه هنشوف البيبي التاني ولد ولا ايه .
المشكله انه قافل رجله مش مبين حاجه هيبان المره الجايه .
_لاء يادكتور ارجوك شوفلي التاني ليه انا لازم أتأكد
لازم تتاكدي ليه ليسه بدري علي الولاده اتفضلي انتي يامدام كوثر نطمن علي البيبي .
ماشي يادكتور انا مش فارق معايا ولد ولا بنت اهم حاجه يكون طفل سليم معافي
اهو دا كلام الناس العاقله
مبروك يامدام انتي حامل في ولد والحمدلله بصحه كويسه بس بردو لازم ترتاحي ومتتحركيش كتير ..
رجعنا البيت وكنت حاسه ان بسنت بتغلي من جواها ومش طايقه حد يكلمها نص كلمه
حمايا فرح اوي لما عرف ان هجيب ولد ولقيته بيقولي ..
حفيدي يجي بسلامه وهكتبلو نص البيت ب اسمه ..
لقيت بسنت بتبصلي وبتبرق
وراحت طالعه شقتها من غير ولا كلمه .
بقيت خاېفه علي نفسي وعلي ال في بطني من حقدها
بدعيلها ان التاني يطلع ولد عشان تفرح وتتلهي عني ...
طلعت علي شقتي وقولت اعدي علي بسنت اهو اهون عليها
لقيتها ناسيه الباب مفتوح معرفش ايه الخلاني ادخل لقيتها بكلم حد وبتقوله .
_هي فاكره نفسها
