روايه بيت ابو علي بقلم زهرة الربيع

ديه ياض خساره في جتتهم ما تسيبلهمش اي حاجه 
ومشي پغضب شديد 
وحسن قفل الباب رزعه جامد وقرب منها وقال پغضب.... سامع الحيوان بيقول ايه قال يتجوزك قال هيه الناس مش شايفاني ليه كاني مش موجود شوف البجاحه بتاعته وجاي لحد هنا كمان 
نوال بصت له بزهول من كلامه وقالت.... طيب وفيها ايه هو فاكرك قريبي... وبعدين ما كانش في داعي تكذب لانه بكره ولا بعده هيعرف اننا مش مخطوبين
حسن شدها عليه بقوه وقال ...بس انا ما كدبتش انتي ليا ومش هتكوني لحد ثاني 
نوال بصتلو بزهول وهو كمل وقال....من اول ما فتحت لك الباب ده ودخلتك وانا حاسس اني دخلتك على قلبي انا مش عارف احساسك ايه ناحيتي ..بس كل اللي عارفه اني مستعد استناكي عمر بحالو انا بجد ما تلزمنيش اي ست غيرك يا نوال 
نوال اتملت عيونها دموع وبصتلو بعشق وقالت.... انا مش عارفه مش عارفه اقول لك ايه 
حسن قال بسرعه ....قولي اللي في قلبك انا يهمني اللي في قلبك وبس ...حتى لو كنتي مش عايزاني
بس قاطعته وقالت بسرعه.... لا عايزاك.... قصدي يعني قصدي ان انا كمان بحس زيك كده يا حسن ...انت كمان سكنت القلب يا ابو علي 
حسن ابتسم وضمھا بقوه وهو بيلف بيها بسعاده وقال مش هخليكي ټندمي هعيش العمر اللي باقي كله ليكي
طلعت والدته من الاوضه وقالت..... كله ليها... ولا يوم للوليه اللي ربتك وشالتك في بطنها عشر اشهر يا خساره تعبي
وراحت ناحيه المطبخ 
حسن قال باستغراب ....انت رايحه فين ياما... انتي مش قلتي هتنامي ولا بتمشي وانتي نايمه ولا ايه
امه قالت...لا يا خفيف.. كنت هنام ولما سمعت الهيصه اللي حصلت قولت اشوف في ايه..هاروح اعمل لكم كوبايتين شربات نطري بيها القعده...مبروك يا ولاد 
حسن ونوال جريو ضموها وهي ضمتهم بحب وراحت تعمل لهم شربات
حسن مسك اي نوال وقال بسعاده.... هاعمل لك احلى فرح في الدنيا هخليكي احلى عروسه اهم حاجه تبقي مبسوطه
نوال قربت منه بحب قالت.... انا سعادتي معاك انا ما حسيتش بالراحه والامان غير في ضلك يا حسن ...مبسوطه لاني حبيبتك واميرة بيتك يا ابو علي 
حسن ابتسم وبص لعيونها بحب وقال..... ربنا يخليكي لقلبي اللي اخيرا لقى حياته في وجودك.... ربنا يقدرني واخليكي تحققي كل احلامك يا قلب حسن
كنتم مع بيت ابو علي بقلم زهرة الربيع زهرتكم تحيكم ودمتم في امان الله مع من تحبون