روايه للكاتبة سلمى ناصر

فارس عايزاك
طبطب علي فلك ك علامه يطمنها بيها وخرج مع امه برا فاتكلمت معاه بعصبيه
ايه يا فارس الي بسمعه من ندي دا انت حضنت البت فلك 
هو انتوا ليه مكبرين الموضوع فلك طفله وكمان هي طول عمرها معانا اول مرة
تتعصبوا لدرجه دي عشان حضنتها زي ندي 
لا يا فارس فلك معدتش طفله كلها سنتين وتبقي ثانويه يبقي لازم يكون في حواجز ما بينكوا انتوا بتكبرو مش بتصغرو و انت مش ابوها ولا اخوها عشان تاخد راحتك معاها اوي كدا 
يعني اعمل ايه 
انت عارف تعمل ايه البت دي متقعدش معاها لوحدكوا يانا ياندي نكون معاكوا وانت بتذاكرلها وكمان تحط حواجز واصول ما بينكوا حتي في كلامك معاها وهي مش هتقعد قدامك بشعرها تاني هنحجبها انت بقيت شاب يا قلب امك مش العيل الصغير بتاع زمان وانت عارف عادتنا وتقاليدنا
بس انا شايفها صغيره و وكمان انا متعلق بيها قوي يا ماما ازاي اتعامل معاها بحدود دي زي ندي طب ي يعني استنوا علي الاقل لما تدخل ثانوي وبعدين اعملوا الي انتوا عايزينه
البت شكلها صغير بس سنها مش صغير واحنا قولنا وخلاص لازم يبقي في حدود سامعني يا فارس 
رد وهو مش عارف ازاي هيعاملها بحدود ومش هيبقي معاها زي ما متعود وهي كل حياته يعتبر
طيب
فات ايام وايام وفعلا فارس اتعامل مع فلك بحدود وتباعد علي حسب رغبه امه وابوه في الاول حس بصعوبة مع تدخل انصاف وتسلط بنتها بقا يعمل طلبهم وانصاف خلت فلك تتحجب ومبقتش بتقعد قدام فارس بشعرها ولا بيذكرلها لوحدهم ندي بتبقي قاعده معاهم ومبقوش زي الٲول لما بټعيط من اهانة انصاف او بنتها بيقف يصالحها ويراضيها ويكلمها بس من غير اي تلامس أو قرب من غير ما يخدها في حضنه ويمسحلها دموعها زي زمان لما بتكلمه براحتها زي ما متعودة
فلك كانت طموحه وعندها احلام كل يوم كان هو بيشجعها عليهم ان فارس كل عائلتها وكل ما ليها زي ما بتوصفه يفضل في حياتها وميسبهاش ابدا والتاني تبقي محاميه ودا اللي كانت بتسعي ليه بتشجيعه
خلص فارس ثانويه عامه بتقدير عالي جدا ودخل كليه الطب زي ما كان بيتمني ودا الي خلي ابوه وامه يعملوله حفله هو محبش الموضوع دا ولا المبالغه لكن ابوه اصر عشان يتباهي بيه وسط شرايكه
كان واقف في اليوم دا قدام المراية بيعدل جاكيت البدله بتاعته فسمع خبط بسيط علي باب الاوضه وكانت فلك طبعا بجمالها الناعم الطفولي وفستانها المحتشم الرقيق وحجابها الي منور وشها
فلك واقفه عندك ليه 
بتفرج عليك
ابتسم بتتفرجي عليا ازاي 
شكلك اتغير يا فارس بقيت طويل وعندك دقن انت كبرت بسرعه
انا ولا شكلك اللي زي ما هو مبتتغيريش
فارس هو انت هتتشغل عني لما تدخل الكليه 
وهو انا اتشغلت عنك قبل كدا 
لٲ بس الطب صعبه وهتقعد تذاكر علي طول وتروح محاضرات في الجامعه يبقي هتتشغل عني ومش هتبقي معايا اتحامي فيك
صح الكليه مذاكرتها هتبقي اكتر بس انتي اول اولوياتي واهتماماتي يا فلك مش ممكن اتشغل عنك أبدا وقت ما تحتاجيني هتلاقيني وانتي خلاص كبرتي ماما عمرها ماهتضربك مټخافيش
انت لسه علي وعدك انك مش هتتخلي عني مهما حصل 
ولا هغيره يا فلك انتي اتربيتي علي ايدي انا ومكنتيش بتنامي غير في حضڼي انا انا الي بوصلك المدرسه وبجيبك حد برضو يتخلي عن بنته 
ابتسامتها الجميلة وسعت 
لا زي مقولت قبل كدا انت عيلتي كلها وانا بطمن لما بتكون جمبي
تابع كلامه ب غمزة وهو بيبص علي فستانها
ودا كفايه عليا بس قوليلي كدا الفستان كان عادي بقي حلو اوي ليه كدا لما لبستيه 
ندي هتغير خدي بالك
واغير ليه انت عارف انا جايبه الفستان بتاعي بكام من ماركه ايه مش محتاجه اغير طول عمري اجمل واحلا منها ومتحطش في مقارنه معاها 
فلك لما لاقت ندي كالعادة جات تضايقها انسحبت من جمبهم وخرجت علي برا وفارس اضايق من اخته جدا هو
ما بيصدق يكلمها شويه
بقا يتكلموا بالصدف لازم هي تيجي تبوظ الدنيا وكانها مخبره عليهم
نفخ وهو بيقفل الدولاب
مش هتبطلي تيجي وتتصنطي علينا ارحمي يا ندي وبطلي نفسنه بقا ومناقره معاها 
الحفله ابتدت واسماعيل كان عازم ناس كتير جدا وكان مغرور اوي في الكلام معاهم وانصاف كانت زيه وندي خدت علي الجو بسرعه واتعرفت علي ناس كتير فارس شويه ومل واتخنق من الحفله هو مكنش موافق
عليها اصلا وكان قاعد مجبور دور علي فلك بعنيه لاقاها قاعده في ركن بعيد عن الدوشه وبتتفرج وهي ساكتة قام عشان يروحلها هي الوحيده الي ممكن يتكلم معاها للصبح وميضيقش علي الاقل يستنفع بالكلام معاها لوحدهم من غير تطفل
اخته 
بس وهو رايحلها وقفه صحابه الشباب وقعدوا يسلموا عليه ويحضنوه ف
اتشغل عنها فلك هي كمان اضايقت بطبيعتها مبتحبش الدوشه هي انطوائيه جات تطلع لاقت شاب جاي يتكلم معاها
ارتبكت واتوترت هي مش بتتعامل مع اي شاب غيره هو بس حتي في مدرستها 
قاعده لوحدك ليه يا قمر 
نعم 
انتي اخت ندي معرفش ان عندها اخوات حلوين كدا 
عن اذنك يا استاذ
استاذ طيب مش تعرفينا اسمك الٲول 
وانت تعرف اسمي ليه 
ليه يا تري غريب انا مش احنا في حفله وجو تعارف ولا ايه 
لا ماليش في جو التعارف بتاعك عندك الف واحده روح اتعرف وسيبني انا في حالي
سابته وطلعت علي اوضتها لانها اضايقت من الحفله دي هي حضرتها بس عشان فارس وفرحته هي فرحتها 
ندي قربت عليه 
في ايه يا احمد كنت بتكلم فلك ليه 
هي اسمها فلك حلوة زي اسمها بقولك يا ندي متعملي معايا واجب وظبطيها 
نعم اظبطهالك ليه بقا ان شاء الله دي عيله لسه مطلعتش من اعدادي
عيله عيله دي حلوه ودخلت دماغي وانا عايزك بس تلينيها عليا وانا هعمل الباقي
حلوه مين تيجي ايه جمبي دي 
ضحك بسخرية 
هو انتي مبتقفيش قدام مرايات ولا ايه مين دي اللي حلوه البت صغيره صحيح بس فلقة قمر رقه وجمال وعيون ايه ظبطيني يا ندي وانا هظبطتك رغم انه صعب شويتين بس ما علينا
بصتله پصدمه وزقته وهي بتبعد 
انت متخلف وغبي مبتفهمش
سابته ندي وطلعت السلم فوق بسرعه وعصبيتها بتحكمها وكلام احمد زميلها في المدرسه بيعصبها ومشعلل الغيظ والڠضب جواها ناحيه فلك
كانت هتدخل اوضتها بس شافت فلك واقفه قدام التسريحه وبتفك الحجاب وبتسرح شعرها اتغاظت منها قوي ازاي تبقي هي احلا دخلت عندها الاوضه وزقتها فرجعت لوري بفرق الطول الي بينهم
في ايه يا ندي 
في اني بكرهك فاهمة يعني ايه بكرهك
وانا عملتلك ايه 
عملتي ايه قولي معملتيش ايه انتي العقبه السوده اللي في حياتي ياريتك كنتي غورتي ومۏتي في الحاډثه مع اهلك 
أنا مش هرد عليكي يا ندي وهعمل حساب لأهل البيت الي انا قاعده فيه
بصتلها ب استنكار وزقتها وهي بتتكلم 
لا ردي وريني هتردي ازاي فيكي ايه زياده عني ها علي الاقل انا عندي فلوس وعيله مش شحاته ويتيمه قاعده عاله علي غيرها
فلك اتوجعت من طريقه ندي في الكلام معاها وعيونها اتملت دموع وخناقتها معاها غير كل مره هي متعرفش عملتلها ايه عشان كل الاھانة والتجريح دا مسكت نفسها وبعدت