صډمه خاطفه
هي تمشي تروح في اي مكان
داليا
طيب نام يلا ياحبيبي تصبح على خير
وتاني يوم الصبح ملك صحيت قبلي وحضرت فطار وخالد لبس وخرج من الاوضة شافها بتحط اكل على السفره وقال
صباح الخير ايه ده كله ياملك انتي حضرتي الفطار بنفسك معقوله طيب تعبتي نفسك ليه
ملك
ابدا ياخالد انا لقيت نفسي صاحيه بدري قولت احضر لك الفطار قبل ماتنزل لشغلك اكيد داليا مش بتصحي بدري كده
لا ياستي داليا بتفضل نايمة وبيني وبينك انا اللي مش برضى ازعجها واصحيها وبروح افطر مع زمايلي في الشركة بس مقولتيش ايه اللي مصحيكي بدري كده
ملك
هو انا نمت يعني ياخالد انا لسه صاحيه من امبارح ومانمتش خالص لحد دلوقتي
خالد
بس كده ماينفعش ياملك انتي لازم تنامي وتريحي جسمك عشان خاطر صحتك
ملك بدلع قالت
يعني حتى لو اهتميت بصحتي هلاقي حد مهتم ياخالد انا عايشه وخلاص انا تعبانة اوي ياخالد
احم لا سلامتك ياملك ومتقلقيش كل حاجة هتتعدل وتبقى زي الفل انتي بس خودي بالك من نفسك
ملك بصت في عيونة وقالت له
حاضر ياخالد هاخد بالي من نفسي تحب قهوتك ايه مظبوط اكيد مش كده
خالد
ايه ده وكمان في قهوة ده ايه الدلع ده كله
ملك
لا طول مانا هنا هفطرك واغديك واعشيك كمان لو حبيت
خالد
لا ما احنا مش جايبيك عشان نتعبك ياملك لا بقا معلش انتي عندنا هنا معززة مكرمة طيب انا دلوقتي همشي بقا عشان هتأخر كده
طيب كمل قهوتك ايه هي مش عجبتك ولا ايه ياخالد
خالد
لا والله عجبتني جدا جدا كلو عجبني تسلم ايدك يلا بعد اذنك وابقي صحي صاحبتك يلا سلام
ملك
مع السلامه ياخالد خلي بالك من نفسك
ومشي خالد وملك قالت لنفسها
هيييييح شكلي هقع فيك انت كمان ولا ايه لا بس شكله اللعب هيشتغل
وبعد شوية انا صحيت وخرجت من الاوضة ولقيت الاكل وقولت لها
ملك
ماهو انا مانمتش اصلا يا دودو وصاحية لحد دلوقتي قولت اصحى اعمل فطار واهو جوزك يفطر بالمره قبل ماينزل
داليا
ايه ده هو خالد فطر كمان ياحلاوة انتي شكلك بقا جايه تدلعيه ياست ملك
داليا
لا ياستي ولا دلع ولا حاجة انا بس لقيت الراجل مسكين وغلبان قولت اعمله فطار الا قوليلي صحيح انتي متجوزه قبلي بكتير صح طيب ليه مخلفتوش لحد دلوقتي ولا خالد اللي مش عايز
ها لا لا انا اصلي العيب مني كنا عملنا تحاليل قبل كده وطلع العيب مني انا بس خالد عشان بيحبني مستحمل يعيش معايا لحد دلوقتي
ملك
اهاا ياحبيبتي يا داليا الف سلامه عليكي ياقلبي وان شاء الله ربنا يكرمك وتجيبي احلى بيبي في الدنيا
داليا
ربنا يسهل بقولك ايه سيبك من النكد ده واحكي لي عنك
وفضلنا نحكي انا وملك ونتكلم وقومت كالعاده اعمل الاكل ورجع خالد واكلنا كلنا سوا وملك قالت
خالد
متقوليش كده ياملك انتي منورانا وبعدين مش كل شوية بقا تقولي الكلام ده ولا ايه يا داليا
داليا
والله ياحبيبي انا غلبت معاها مفيش فايدة فيها البنت دي شكلي كده هكتفها هنا
وعدت فترة وملك لسه قاعده عندي وفي يوم
خرج خالد من الاوضة يسهر وملك لما شافته قالت له
ايه ده ياخالد انت سهران لوحدك بتعمل ايه دلوقتي
خالد
ابدا انتي عارفه بقا
ياملك بكرة الجمعه معنديش شغل وبحب اسهر بس داليا نامت
ملك
خلاص انا هسهر معاك
وقعدت جنبة وقالت له
تصور ياخالد اني لسه عارفه ان
داليا مش بتخلف بس
انت راضي عن ده ازاى
خالد
عشان
