روايه بيت ابو علي بقلم زهرة الربيع

بيت أبو علي بقلم زهرة الربيع
المعلم دفع حسن پغضب وقال ..انا يا بت المعلم سنجه على سن ورمح تضربيني قدام الرجاله ده معاش ولا كان اللي يعملها
نوال كانت خاېفه منه بس قالت بقوه مصطنعه ...حضرتك اللي غلطت انت كمان عاكستني قدام الرجاله وبرده ما عاش ولا كان اللي يعملها يعني حضرتك اللي ابتديت وتستاهل 
حسن بلع ريق بارتباك واقرب منهم وقال... يعني هي اكيد ما تقصدش يا معلم و

المعلم دفعو وقال... انت ما تتدخلش يلا سامع ما تتدخلش وبص لنوال ومسكها من ايدها بطريقه وقحه وقال... على العموم انا مسامح انا اطول الايدين العسل دي تضربني
نوال سحبت ايدها پغضب ولسه هتتكلم حسن وقف قدامها وقال بضيق .... كل الايدين بټضرب يا معلم مش هتفرق يعني
المعلم مسكو من هدومه وقال پغضب.... انت بتتدخل ليه ياض بتدخل ليه
حسن قال پغضب.... عشان البنت في بيتي يا معلم واكيد انت عارف ان ما ينفعش الواحد يكون عنده ضيف في بيته ويتهان 
المعلم قال... ماشي 
وبص للبنت وقال ....انا هعدي لك القلم اللي سكعتيهولي عشان خاطر الايدين الناعمين الحلوين و عشان كمان ده مش هيكون اخر كلام بينا 
وبص لحسن اللي اتنهد يارتياح وقال پغضب..... انما انت بقى عشان تتنطط زي فرقع لوز كده مش هعديها لك ايه رايك
و شاور للرجاله بتوعوا نزلوا في ضړب بقوه
وحسن قال بسرعه وهو بيتالم ....يا معلم ما يصحش كده يا معلم انا كمان ايديا ناعمين ده ظلم والله ااااااه 
المعلم نزل ونوال وام حسن بقم يحاولوا يبعدوا الرجاله عنه وهما بيصوتوا لحد ما ضړبوه شويه ونزلوا هما كمان
نوال وام حسن قوموه من الارض ونيموه على الكنبه 
وامه قالت بحزن .....حقك عليا يا ابني انا اللي جبت لك البلاوي دي كلها
وبصت لنوال پغضب وقالت.....مكنتش اعرف انها بتاعت مشاكل ومن اول يوم هتجبلنا الناس على البيت
نوال نزلت عيونها بحزن وقالت..... والله انا ما عملت حاجه هو اللي عاكسني الاول ...على العموم انا همشي مش عايزه اعمل لكم مشاكل اكتر من كده
ولسه هتمشي حسن قال بسرعه.... استني بس تمشي فين ...قصدي ما فيش حاجه مستاهله يعني انا كويس اهوه حتى شوفي.... وحاول يقعد بس اتالم وقال ....ااااه 
نوال بصت له بحزن وقالت ....كويس ازاي بس دول خرشموك 
حسن قال بسرعه.... يخرشمو مين...انتي متعرفنيش ده انا اللي عملت نفسي متخرشم بس عشان يسيبوني
نوال ضحكت بخفه وسط دموعها و حسن ابتسم وقال... ايوه كده ما فيش اي حد يستاهل تحجيبي الشمس الحلوه اللي هلت علينا دي 
نوال ابتسمت وامه رفعت شفتها لفوق بطريقه كوميديه وقالت ....يا حنين... انت بتثبت قدامي يلا ..عارف الحق عليا اللي قلقت عليك... لكن مش غبيه هو اللي ازيك هيحصل له ايه ده انت قدر اسود
حسن حمحم وقال.... يا اما ميصحش كده الناس واقفه
امه قالت بضيق.... الناس اه... طيب بصي يا ناس قصدي يا نوال الاوضه بتاعتك اهي اللي على الشمال دي تتصرفي انت والنحنوح ده وترتبوها
نوال بصتلها باستغراب وقالت.... نرتبها...ليه هي مالها يعني 
ام حسن قالت بلا مبالاه.... ابدا هتشيلي حاجة الواد ده من الدولاب وكريماتو وشمبهاتو وتنقلوهم في الخزنه الصغيره دي اللي في الصاله وتحطي حاجتك انت بقى في الاوضه براحتك بس ما تقلقيش الحاجات دي مش كثير يعني هي علبه من كل حاجه قلتها وكمان معندهوش شامبوهات هو اصلا معفن ومش بيستحمى
حسن قال بضيق.... ياما وبعدين
امه
ضحكت و قالت.... بهزر معاها بهزر في ايه
نوال قالت بسرعه ثانيه واحده